嘩, 好耐都無新文章了

今日入黎坐坐, 順便留個訊息先
各位就返學囉, 暑假有咩心願未了就快手玩埋佢囉

準備新開始吧!

轉FACEBOOK

F1B已經愉快學習完畢囉 同學已在FACEBOOK開了群組，目前集中係1B的同學
如果有其他人想加入的，就通知我吧
NEILMACAUHK@HOTMAIL.COM

今年的班版比較特別的是，好多同學都係網上建立起自己的根據地
其中，有幾位仲設計得好鬼靚啊（甚至燒埋煙花..............）
最好的是大家持續有更新，
有空我就會去你們家泡茶的了。
至於我，也打算旅行回來後開新版
到時再通知大家吧~

如果大家有任何新的連結，都可以放在這篇的留言內
或者有邊個未加你地FACEBOOK的，就留言比我啦

偶然~

今日食飯，見返幾個上年一Ｂ的同學
原來
浸信初二的夏令班，四班入面，多了有十幾位新同學
其中，有8個都來自初一B
有上年轉了新華的重考浸信
有部分是初二失手，轉浸信重讀
另一半是今年離校轉初二的
在命運的安排下，當初同一間學校
甚至同一班的同學
今日，又走返埋一齊
雖然環境不同了，不過
能夠在新學校遇上那麼多舊同學
也不愁寂寞了。

聽講肥天第一日返學就遲到了
希望不是真的吧－＿－

五月天 - 知足

一件鬆餅、一杯檸茶，加上三五知己
享受寧靜的夏日，因知足而快樂

暑假愛出遊

一連3日好天氣
不出去跑跑對得住自己嗎?
快出去吧

FACEBOOK

今年唔開群組
之後直接在FACEBOOK聯絡吧
以往無加大家是因為一來我有好多好多帳號(用黎玩遊戲的)
而最主要的是仲教緊你地
當然，而家就無問題了
不論你是否一B的同學，都可以加我
不過，麻煩寄個訊息話我知你係邊個
因為有好多朋友學我一樣，連張相都係假的(生日都係)
如果傾左半日先知原來搵錯人咁就真係羞家了

NEILMACAUHK@HOTMAIL.COM

告别校園時~

今日經過學校門口
突然覺得~ 好遙遠

聖保祿的老師，從來不曾有過自己的座椅
情況就似學生每年要換課室一樣
我的檯，在教員室是數一數二混亂的
以往不斷提醒自己，應該要好好整理一下囉
哈，想不到，機會來了

還記得，來的時候只帶了兩支原子筆
走的時候，卻怎麼也撿不完
人總是無法把一切帶走
貪吃的候鳥叼著大魚，又怎能渴望飛得遠呢？
能看見你們的笑臉就心願足了~

終於
寫完操行冊，也該是讓座的時候
下次回來，我們畢業禮見吧。

又一個好消息~

朗朗、肥天、龍龍已經考入浸信初二了
期待佢地係浸信可以開闢自己的新天地啊！

雖然有人問，入左浸信有咩值得高興
我亦不否認，兩間學校的確有所不同
學校只係培育人的地方
當一個地方再走不下去的時候
少少的轉變其實會救左一個人
當然了，如果你只是打算轉去一間程度低的學校
以為可以輕鬆過關的，甘就問題大囉
因為之後你可能仲要轉第二、第三次
直至去到夜校.......就萬劫不復了
所以，轉校的同學，記得下年要打醒精神
好好照顧自己囉

對了，
有冇人知道最後一位"廣廣"而家去左邊呢？

好消息

陳靜宜老師有機會做夏令班班主任
希望教到你地班啦

生日會

由於下年人事變動，所以今年我地唔等開學了，
7月份開始會搞生日會，一般是1~2個月搞一次
視乎大家的時間而定，生日的同學個餐是免費的
(第一餐最好是7月20號前或8月15日後，因為中間個幾日會外出)
時間、約人方面，就要由你地去處理囉
因為呢個版係七月份就會關門大吉，
而且我地唔開facebook聊天版，所以
之後
可以直接facebook、或打電話通知我。

燒烤相

由星期日開始落雨落到今日，唯一一日算係好天的

就是星期一，大家運氣不錯啊

講起燒野食，原來，我地班真係無邊個可以做大廚的

半生熟的雞翼、燶到爆開的魚蛋，無晒芝士味的芝士腸

要真係講好食的，似乎就只有豬頸肉了

下次一定要捉何淑敏過黎幫手燒先得.....

今次玩得半日，雖然未盡興

不過假期才剛開始喇，如果你地有地方想去

或者要打波的，再留言約人啦～

訂書~

今次的登記時間是：6月26日至7月2日(改為8月1日~8月10日)
由於上次已處理好登記手續
所以比較快有書拿
估計取書時間在7月15日前後
如果要訂書的就在版上登記吧

估計今年就只會訂埋呢一次
因為8月份就要開始忙碌了
錯過左就要等下一年囉

以下是博客來的網頁
http://www.books.com.tw/

你的日子如何，你的力量也必如何

當年的她，在電視上跳出自己的舞步

在螢幕前說出

＂我個名叫龍懷騫＂

＂我希望人人都識跳開心舞＂

＂其實我只是識咁多＂

廣告播出後，反應兩極

有人因而受到感動，也有人恥笑她所謂開心舞簡直不知所謂

相隔9年，當年只有10歲的小女孩，
已活出了不一樣的人生

身體上的殘缺，不單止無阻礙佢的發展

更讓市民認識到生命的意義

以前，只見證她那份勇氣

今日，更敬佩她這份精神

不向命運低頭，活出生命的成就

每個人都可以活得更精彩的

你，是其中一個嗎？

口喉痛-_-

唔知幾耐無咁癲了
8點爬起來去準備燒烤之後
係黑沙食左半日
晏晝飛車返去氹仔下午茶後又開波
夜晚唱埋K直落到而家
終於
返屋企了.........
可能是太耐無打波，而家手手腳腳已經唔聽指揮了......
如果日日都係咁，我估未到8月暴斃都有份-_-


今日太眼訓了，燒烤的相聽日再上傳吧

聽日的餐單~

各位，呢個是基本餐，

我仲加大左份量，所以聽日一定夠食的

而且我打聽搵個同學幫忙買小食

有冇邊位想幫忙？

６０蚊之內

聽朝見面比返你

差點忘記，各位聽日記得帶多件衫

錢不用多帶，夠坐車就ＯＫ的了

再一提，唔識去得勝公園的

去到二龍喉打比我

到時教你行

聽日活動

剛剛完成畢業典禮，而家先有時間訂野食
目前訂左18人份的食物
應該夠晒大家食了
至於活動時間方面
想請問一下，有同學不會去黑沙的嗎？
或者，有邊個想同我一齊去？
如果有的
我地可以約09:10係得勝公園前的巴士站等車過去
由於未知大家是否有需要
所以如果有的就先在網上留言
否則我就唔等大家，直接開車過去囉
唔一齊坐巴士的，10:00在黑沙集合

有疑問的，留言再講吧

你是傻瓜嗎?

借羽毛球拍、排球~

各位屋企有羽毛球拍、排球嗎?
除左星期一燒烤有用之外
星期日社團搞左個親子運動日
希望向各位借一些器材
如果有的就聽日同我講啦~

燒烤~

星期一的報名人數有18人
25~33、37號仲未填
計埋應該超過20人了
不過唔記得收大家錢.......
為左確保人數
聽日交成績表的時候交埋20蚊報名費
叫野食個邊我會負責(一Ｂ好似無人食齋的吧)
遊戲你地要想想囉!
講玩你地會比我叻好多的~
(水搶又好、飛碟都好，再唔係就買幾個沙灘波打排球吧)


分錢個邊先減500，再由你地平分吧
有問題再話我知啦

唔記得左

今日仲有一份禮物想送比大家

係前一排去租書個時見到的

雖然唔係麥口麥，不過都好得意啊～

聽日最早返黎交成績表的就一人一隻吧

燒野食~

聽日囉埋成績表，學年完結了（唔好唔記得返學），
大家呢幾日有冇出去輕鬆一下呢？
我地今屆初一，好似未正式搞過聚會
有同學提議趁呢兩日得閒去燒野食
咁我地聽日就統計下幾多人參加啦

講左時間先
今個星期橫風橫雨，下星期應該就雨過天晴的啦
不過聽聞有同學已經要趕去旅行(仲快過我-_-)
所以時間方面比2個大家選擇
6月25日(星期六)12:30~17:30
6月27日(星期一)10:00~17:00
如果想參加的，聽日帶20蚊返黎報名

地點方面，你地想去水庫定黑沙?

補拍班照

呢張應該無問題了吧，就比呢張大家啦

聽日返學，大家記得帶技筆

賣書~

同學的書記得囉返

對裡面的書有興趣的，可以聽日帶錢返黎買

幾錢我就唔記得了，總之原書價打６折

應該唔貴了吧

另外，7月份我又會訂一次書

你地想買的可以去博客來睇定先

下星期一會公報詳情

目前已登記見家長人數

星期五7：45～8：oo(5)
星期五7:45-8:00(6)
星期四14:20~14:35(31)
星期六 9:30 (20)
星期六10點(16)
星期六10:30(3)


10星期四08:45
11星期四14:00
15星期四中午(時間待定)
18星期四中午(時間待定)
27星期四12:30
34星期四14:15
19星期四14:30
25星期四15:00
2 星期六08:30

學年操行優異獎~

投票人數：48人

最高得票：黃嘉詠

今次一改由老師內定

以一人一票的方式投出一Ｂ班的得獎同學

3位候選人都為班級貢獻良多

高小妮主持左連續2段的壁報

黃嘉詠全學年為各位查核手冊

黃彩瑩更是一位優秀的秘書

3位在個人品行是無可挑剔的

而且

如果大家心水清的話

還會記起她們無私奉獻的精神.......

(太誇張??)

試想想她們身旁被安排的同學

不是火星來的兄弟，就是來自阿凡達會流口水的土著.......

面對他們，確實需要很大勇氣的～

雖然獎項只得一個，不過你們的表現是有目共睹的

幫人的事，要繼續當仁不讓啊～

見家長名單

2, 3, 5, 6, 10, 11, 15, 16, 18, 19, 20, 25, 27, 31, 34, 36
以上同學要先見家長才可以取成績表
由於星期五是派成績表的日子
所以你地只能提前或延至星期六來見
時間是
星期四14:00~17:00
星期五07:45~08:00(無錯, 只有15分鐘，只能安排1~2位)
星期六09:00~11:30
每人預計10分鐘
同學必須與家長一起出席
確定時間的同學請先在網上登記

跟以往一樣，時間是先到先得的

開完會了~

各位的情況已塵埃落定
目前是29升，4留級，4離校
稍後會公佈見家長時間
詳情留意今晚的公告

父親節

希望我老豆第日可以好似呢個音樂盒咁

日日他他條條

遊下船河，享受下人生～

中一B合照~

總係覺得企晒係度有少少生硬

可能人同人都隔得太開

感覺太正式

心水清的同學應該見到有3分1比較模糊的

本身打算一人曬一張留念(學校本來就應該一人比一張的)

不過禮貌上都應該問下有冇人唔要的

無特別講的我就曬第三張比你地

今次的相其實唔算影得太好

主要是因為個鏡頭原來花左

所以下星期一閱卷日會補多一張

希望在課室內同課室外都有大家的共同回憶

初一B的同學派卷當日行快兩步上課室吧

我地把握時間黎多次

考完試囉^^

兩個星期的大考終於過去了，
這段日子實在是有夠辛苦的，
各位利用暑假盡情為自己充電吧


至於大家的成績，下星期返學就有得睇了

最後1日

最後1科
不論升留與否，都沒有腳軟的理由
別衰收尾
中一Ｂ的各位，加油！

以下同學留意

今日出國文總分時發現，
6，11，23，應該炒中，英，數三科
你地3位中文只差0.9分左右
加分是不可能的，
不過我比個機會你地再做一次剪報
如果你地認認真真去做
仲有機會救中文
聽日考試前交唔到，就唔好怪我了


另外，36號
你目前是因為無交剪報而要離校的
聽日如果能交上兩份高品質的剪報，
你係仲有希望的，自己好自為之．


同學如果有佢地電話就通知一下佢地吧！

史、地考試~

歷史問答+名詞解釋佔分30%以上
另有10%課外
10%排列順序<-------(排序唔一定照習作出，你地一定要清楚時間順序)

簡單的講，你唔將全部問答同名詞解釋溫晒
等同放棄歷史合格
(特別是有幾位同學只溫短答唔溫長問答的)

另外仲有填充、選擇、圖
老師估計，10%課外你地應該是唔會識答的......


地理考試，仲簡單
圖+名詞解釋+問答佔分將接近50~60%
另外仲有填充、省市簡稱等內容
好似仲有計時區<-------(呢個不太肯定)
雖然呂SIR考試前幫大家背過
不過好多人都係唔多記得的
而且，仲有幾位是識背唔識寫字的
有時間的話好好複習下

好消息～

連日黎都只講唔合格的消息
講到今次考試好似好差咁～
其實唔合格當然會有，加上見到同學就快要離校
所以希望盡最後努力提醒佢地
今日代數考完了，真係有心上初二的，應該已經塵埃落定
至於想唔想留係聖保祿的，
已經唔係我可以幫得上忙～
只希望大家可以整整齊齊，
來年，繼續博殺

講返好消息先
以往考１００分以上的，多數都係資優班的同學
不過
上星期的英文考試我地班就有人突破左呢個限制了！
成功ｋｏ左英資幾位同學
呢個就係陳嘉泳了
佢今段英文考試加起來有103分啊
非常利害
同學們也繼續努力，為自己訂下一個目標
咁樣，你都可以有同樣的改變的！


有一句送比家昌的話，而家都送比各位有心人
”心有多大，世界就有多大”

到代數了~

今日睇大家的卷就發現，
原來同學都唔識（ａ＋ｂ）（ａ－ｂ）的公式的
特別是分組的時候

比如（ａ＋ｂ－ｃ）（ａ－ｂ＋ｃ）
分２組應該是〔ａ＋（ｂ－ｃ）〕〔ａ－（ｂ－ｃ）〕
公式之後應該是ａ2－（ｂ－ｃ）2
ａ2－（ｂ2－2ｂｃ＋ｃ2)
=ａ2－ｂ2＋2ｂｃ－ｃ2

只有2分1的同學是識做的，識做的，又只有2分1的同學唔會做錯
因為太多人寫左ａ2－（ｂ－ｃ）2
=ａ2－ｂ2+ｃ2
.......................

錯左都無辦法，只能講太唔小心了
做完檢查下，其實就咩事都無了

最後個版的答案應該是1, 2, 3（次序我忘記了）
希望你地計到



如果你係屬於英文，數學都唔合格的同學
而家是最後機會了，歷史同地理唔合格就要踢出校了
相反，救返呢２科的話
（記住唔係救１科，係要救２科，仲要高分，唔係合格）
你仲有機會可以留級的～

可怕的幾何分數

9，11，13，16，21，23，34，36
(11、34是40分都唔夠的)
以上的同學，幾何考試都考不到50分的
而且大部分數學唔合格就一定留班／離校的（因為英文都考得唔好）
聽日代數，不容有失
只有４張工作紙，２張測驗卷
麻煩做熟佢，你地靠用眼望，是唔會望得識的
好好加油！



真係要溫習的（玩同食野的唔好黎）
14:00高士德M記

Piano stairs - TheFunTheory.com - Rolighetsteorin.se

用創意改變單調的生活～

唔呃自己的溫習~

今日又是漫長的代數練習題
計左幾多題真係無人知
多的話一個人隨時有30~40題
雖然唔係多多益善，不過總希望熟能生巧～
要用２日時間將所有唔明的地方搞清楚
的確是一件相當痛苦的事
有幾辛苦？你問我都答你唔到
只有真正落筆去試過的人先知

陳逸卉、馮啟軒是少數我無辦法睇住佢地
而佢地又真係從來無停過手的人
即使星期二考得唔好，我都唔會覺得是你地的問題
但係，有２位同學
其實代數的底是好差的
２日以來，你地似為敷衍我黎計數
多過真正想學～
實在唔敢想像，星期二你地到底會考成點

溫習最得人驚的是明明未讀晒，就氹自己已經溫完
容易的隨便讀一讀就算，唔識的就懶得去讀
結果到最後，一個人都呃唔到

中文、代數、歷史、地理，而家眼前仲有４科
每一科都是你地的挑戰，
如果打算求求其其去考的，即使是數資的同學都會失手
希望你地用心去準備每一日的內容
比個happy ending自己吧






題外話：有同學星期一仲希望溫多日代數
其他有需要的，聽日放學去找我約時間吧

星期日溫習

今日未溫完的同學，聽朝10點高士德M記
會溫到中午1點，然後就放飯
星期一目前是唔會安排時間溫習的
有特別需要再搵我

聽日大家要帶2次測驗卷、上堂派的工作紙、督課班的練習紙

丁噹-親人

下雨了，想起了一首歌～

聽日朝早

由於要開會的關係
所以只會溫到11點
如果嫌時間太少的就星期日先來吧
不過成績唔好個幾位，聽日仍然是10點高士德見

生物成績公報(中一A)

全年不合格為
8, 16, 22

考試90分以上
3, 4, 6, 19, 20, 23, 26
不合格
8, 16, 34

如果已經有一科唔得的～下星期就唔該出盡力囉

幾何分數~~

好差.....
有人選擇唔識做.....
有人填充錯左20分......
有人畫圖畫到亂晒龍.......
大家太緊張了
代數不容有失
星期六來加油吧！

（星期六朝早10點高士德見）

幾何溫習

今日來的人很多(應該有10個了.....)，無法逐一照顧
好彩左邊有馮啟軒，右邊有Ｃ＋Ａ同黃彩瑩
你地一左一右真係幫左同學好大忙
希望大家都掌握計法，聽日取得好成績吧

聽日大家記得帶圓規啊～


菠蘿，你的圓規、間尺，你的塗改液
都係我度，聽朝記得囉返

幾何溫習時間

下午14:00高士德麥當奴

聽日考試

生物記得讀熟所有的圖(共有3幅)
問題已經背得7788的同學
要將書的內容由頭到尾睇一次
因為會有填充同選擇

至於英文
MEANING是首要溫的
背的同配對的之前都溫過了
然後就係複習紙的部分
睇清楚唔同的題目要做的有咩唔同
唔好亂做
聽日文法識的就好好做
唔識辨認的，就直接選一種來寫吧
千其唔好靠運氣！
再有時間就溫下課文內容吧
會出問答的


相已經整理好，不過今日大家都要集中精神溫書
星期六再ＰＯ比大家睇吧

執檯~

打包的時候發現左大家的作品，學期尾又黎分享一下

你地睇得出是邊個畫嗎？

感覺上大家好有天份

不過技術就。。。一般般啦

HAHA

畫畫似乎唔係大家的"飛佛"啊~

呢張唔錯，可惜無上色

今年的獎品，Ｎ把間尺.......

唔知聽日仲會唔會收到..................

真係好熱

連佢都頂唔住，而家佢其實是嘆緊冷氣～～

5、6點同好似下午3點一樣，好彩今次有瓦遮頭

端午節，大家有冇出去輕鬆下呀？

南灣今日好熱鬧啊，見到有幾個直接就跳落去玩水了

可惜學校無龍舟隊，如果唔係端午出黎玩返日想唔顛都幾難

無論如何

用左3日時間總算完成手上的工作了

星期二又可以7點先放工囉

默唔熟生物的就等埋我收工吧!!

回來了

頂埋聽日就有覺好訓了
點解而家放假仲辛苦過返工......

聽日食粽節，唔好剩係掛住食啊～
西灣湖有精彩的龍舟賽，得閒就去熱鬧下吧

「六四」是怎樣一回事?

係高小妮的剪報入面, 聽到她對食品安全的呼喊聲
看到她對中國人為求金錢而不顧一切的蔑視
在她的筆下，中國人就像惡狗一樣，失去了品格、只為私慾而生

到底近代中國發生過甚麼事，令這個奉行德行的民族變得如此惡質
一切要回歸原點，要瞭解近代的中國
就要先瞭解何謂六四了

這是一段留給高中同學看的短片，
今日也給大家來看看歷史吧

三人游 - 方大同

開工前聽下歌先～

溫習事項

一、請科代表星期二前將各科考試範圍打在BLOG內，如果有唔清晰的，也要在版上說明。

二、今個星期六溫代數，地點高士德Ｍ記，時間10:00，要來的請準時。溫習的同學請帶工作紙、測驗卷、代數書、一課三練，及白紙，中午左右就會收工。如果有家長唔放心的，可以帶埋手冊黎，走的時候我寫返時間。

三、下星期二默生物問答，是全部，唔會有任何刪減，第十一章是一定默晒的，請星期六、日及早準備。

知道這星期大家都好累，壓力也很大，不過也只能叫大家撐住，再難過的日子都會過去的，過左就唔辛苦的了，我無論如何都會繼續折磨你地，直至大家達標為止。

6月17日星期五 地理 考試範圍

6月16日星期四 歷史 考試範圍

6月14日星期二 代數 考試範圍

6月13日星期一 國文 考試範圍

6月10日星期五 英2 & 幾何 考試範圍

6月9日星期四 英文1 & 生物範圍

20110525-1/10 關鍵時刻 - 起雲劑好料理

大家可以從9分鐘開始看，看看自己每天在喝甚麼～

中文考默~

中文第三次默書成績很差
聽日考默千其唔好選擇性溫習
唔係分分鐘死中文
記得動手試默囉~

不知名的成績

溫完習返到教員室
發現一張寫住5個唔合格的便條
雖然唔知係邊科, 不過我直覺應該係英文考默(是就發達了)
至於衰左個5位, 我相信你地都知有冇自己份的
聽日的普通話要加把勁啊!!!

普通話來了

今日英文大家表現都好好
雖然Mandy未開始改, 不過睇落大家都有進步
聽日輪到全班不合格率最高的普通話了
就算再難, 佢都只是初一的程度
你地一定可以過關的
今晚盡全力去溫吧

溫習的時候, 記得要看音標,

you( v )  wen( - )  jiu( \ )  he( / )  ge( / )

睇得明嗎? 聽日你地的題目同樣要睇音標
所以要先學點讀, 再練點寫聲, 韻母

十歲童釣鱷魚回家~~

好難想像佢點用木棍同鱷魚死過

仲要拖埋返屋企～真猛！！

英文考默

首先要感謝5位英文資優班的同學大力協助
堅堅、瑩瑩、慧慧督完課都返黎幫手
家昌、+A更係由放學一直至6點半完場
佢地作為同學真係唔話得，考完試再好好答謝你地。

相信大家起碼都掌握左背默、生字2兩方面的內容（未得就加油！）
只剩返讀默的部分
各位要出盡全力啊，英文有冇辦法順利過關，
就睇今晚了！

班長今晚會抽時間打出讀默中比較難的字
唔識讀的就上網查下個讀音吧！
http://tw.dictionary.yahoo.com/dictionary?fr2=sg-gac&p=effort

生物第十一章問答

初一A的同學星期三交齊

星期四上堂時背書

請提前準備

陳綺貞~~

陳綺貞上星期在澳門舉行演唱會，本身等住人地比飛我
點知。。。聽聞全場爆滿，就只能來聽ＭＶ版了～～
大家有聽過她的歌嗎？

輸了~~

巴塞不愧為宇宙最強

3比1 KO曼聯

仲送左份早餐比我

星期一終於唔駛食麥皮了^0^

同學注意

未交第三段中文第一次測驗的同學
聽日記得交齊
科主任要睇你地成績

網上閱讀截期日是5月25日
如果仲未完成的請補埋最後一篇
而家96%, 差少少就100了
大家去看看25號個篇做完未

下星期一開始英文

星期一自修堂開始
總共是2篇背默及2課生字的讀默(全部)
如果順利通過的，放學就可以走人
如果無法順利默出的同學
將要留堂默晒考默的內容先可以走

星期一英資的同學開ＯＴ吧，分組教留堂的同學
大家考默的目標唔係ALL PASS，是要HIGH PASS！
最後一星期，加油！

Far East Movement - Rocketeer ft. Ryan Tedder

今天來首英文的吧, 下星期我們也要以英文為主要戰鬥的目標！

最後一次英文測驗

出事人數20~
部分同學低至30分, 幸好前2段合格
否則就頭痕了

集中精神開始進行特訓吧
今日目標是普通話, 下星期要為英1英2做好準備了
英文無得教的, 就以數學為主吧!

代數&歷史成績

14位同學不合格，暫未有成績公佈
不過聽日幾何就好關鍵了，一定要把成績拉上來啊！

歷史測驗不合格有2人，有同學１００分啊～
大家估到係邊個嗎？
不得不提，問答部分有同學默完之後．．．自己塗左個正確答案．．．
好彩對成績無重大影響

明天測驗

英文除左meaning外，記得溫文法，要背的千其吾好偷懶。地理就全部吞落肚吧，記得圖同問答要溫熟。

代數練習紙部分答案

有邊題唔識, 直接問, 我scan放上黎

代數小測改正

最後一題都是配公式(a+b)(a-b)

有唔明再問

光影大三巴

由高處影落去，感覺更奇幻了

不是我拍的，只是分享

一個廣告~

袖珍版溫習紙

某些視力超乎常人的同學留意了

最近出現了袖珍版的歷史問答

為保同學清譽

如果在測驗考試，或者甚至是溫習時被發現縮印問答的話

一律視為作弊處理

（上面本簿是隨手囉的）

中文默書

除了四首詩
仲有2課課外讀默
最後一次默書
目標拿個滿分回來吧!

星期二仲有歷史, 各位今晚把問答先KO吧

期末行事曆

大家睇清楚時間出席

中文最後一次測驗成績

初一B    90分人數14人，70分以下5人，不合格0
初一F　90分人數10人，70分以下5人，不合格1

第三段大家有非常明顯的進步，特別是一Ｂ班
連續第二次全班合格了，而90分的人也跟以往的不太一樣
證明同學都愈來愈努力，下星期的測驗週大家要繼續發光發熱啊
一Ｆ雖然稍有落後，不過全級最高分應該非你地班莫屬
除非有人囉100分啦！

而家我計總分，中文科的一哥爭持非常激烈
分數只差１～２分內
考試將是你地決一勝負的時候，
不過，第三段的中文考試卷會比第二段的生物更加困難
所有同學都要有心理準備



星期一仍未可以派卷，最快要星期二

你是我的OK绷

KO左中文卷了，聽首歌鬆下先
成績今晚再PO吧

如果無搞錯, 今次大家測得不錯啊~

下雨了

當我正準備去打保齡的時候~~~~~~

好在今朝有去跑步, 唔係今日想唔做宅仔都幾難
今朝除左自己跑, 仲見到幾位同學仔
A、B、F班都有, 下次早少少上去跑完, 一齊食埋早餐吧

暑假前的目標是, 回復18歲時30吋的肚腩腹肌~
唔係係畢業禮前就著唔落以前個幾件西裝的了
有興趣的同學仔星期六09:00都可以上去一齊跑吧~

Mr.children

小學時很喜歡聽日本歌, 可能因為聽唔明佢唱咩
所以可以隨心所欲改篇歌詞, 鐘意點唱就點唱
唱歌是一件愉快的事,
快樂總是沒有界限的

不論是Mr. Children, 或者mv入面個班大叔
人生最好玩的, 就是夢想, 只有夢想先可以令自己一次
又一次
甚至再一次創造奇蹟

下星期好大機會末日的同學

紅色的是末達標的同學，有人問過

點解上次網上閱讀個班仲未罰抄

原因好簡單，因為要夠集中先可以達成效果

２次合二為一的話

應該可以令你地考試成績大躍進的

上面有紅色圈圈的同學

雖然未到末日

不過我可以提前給大家一個痛快～

下星期三見

聽日又末日囉~

521是7000年前末日的大日子

根據吹水同鄉會的可靠消息

七千年後的聽日

將會有..................反正就末日到了~

大家見到大洪水記得上版通知我

網上閱讀

下星期三檢查

twins~

佢地三個：一個感情澎湃、一個愛恨分明、一個心思細密
三個都咁可愛，本來應該結義金蘭，做好姊妹的
最近睇佢地，反而似拚了老命要放棄友誼，
男的睇到會覺得好奇怪～女的見到又好可惜
可能呢種就是大家追求的淒慘美友情吧～

朋友之間只在乎坦誠，沒有對錯
歌就送比左妳地
往後的事情，就靠妳地自己來解決了
不過，之後就唔好再喊晒咁上堂喇
費事比人以為我虐待你地 -_-

新版面~

新版好似怪怪地, 個"中"字又唔見左
睇黎都要影多張~


最近班上面上堂情況好左了
老師們也點名去讚賞各位啊, 特別是數學科
上堂好左, 可惜數學大家始終都一知半解
代數雖然上次貼左張公式例子出黎
不過原來有人是完全睇唔明的......
幾何就更難搞了, 如果數學是非救不可的
大家放學主動黎問吧
畢竟我可以留的時間愈來愈少了....

第二樣是比較奇怪的
班上的男仔一直以黎都好玩得埋的,
相對黎講, 女同學仔似乎就心事重重了,
以前就算同朋友仔打架, 但隔2分鐘就會唔記得(天生老人痴呆)
可能是男同學都鐘意大事化小, 又或者, 男仔天生就四肢發達
所以我地頭腦都比較簡單
好處是, 個人好容易就開心, 唔開心的事轉頭就唔記得
好似打籃球咁~
大家一齊打波, 就算再唔鐘意一個人
我地猜垃圾都會預埋佢, 因為男仔就係鐘意一齊去玩
呢種無憂無累的生活你地都可以嘗試一下
重點是, 妳地邊個願意先行出第一步呢?

第三段考試時間表

6月9日　  星期四　　英文1      生物

6月10日　星期五　　幾何　　英文2

6月13日　星期一　　國文

6月14日　星期二　　代數

6月15日　星期三　　放假

6月16日　星期四　　歷史

6月17日　星期五　　地理

科代表在第二次測驗後開始收集考試範圍

5月16日手冊內容

麻煩同學補充

張敬軒 - 櫻花樹下

星期日, 聽下歌先~
張平平, 你的代數在哪裡???

訂書運費

第一欄是書錢，第二欄是運費

不必被它嚇親，因為書錢是先打一次折

然後團購再打一次折

所以睇落運費先會咁貴

（ＤＨＬ是全世界最快最貴的）

以呂SIR本書為例

澳門文化廣場的書價（打折後）比臺灣價仲要貴30蚊（澳門幣）

學生的話運費除4

（而家澳門匯率只有3.3）

應該合理的

如果仲有特別貴的再同我講吧

張平平，代數功課放入黎吧

如果妳唔識打係blog上，可以e-mail比我先
zycatree@yahoo.com.hk
寄比我之後會幫你轉po的了
對或錯都唔緊要，總之唔好睇答案

公式用法(a+b)(a-b)

用法有好多，不過來來去去都係呢２條

一開始一定會唔識用的，用多２次就簡單了

多嘗試！

書來了

書來了，這是你們的那一箱

（地址唔係我屋企的，要尋仇的係學校搵我比較快）

我終於知道點解郵費咁貴了～

各位的書，有看到自己的嗎？

總共２９本