2010~2011 愉快學習F1B: 2010/12/1

2010年12月31日星期五

HAPPY 2011

2011年, 希望大家其中一半分比是中一, 另一半升上中二
升班是每個人的願望, 有些人輕輕鬆鬆就完成了
有些人總是同自己過不去
新的一年, 舊的包袱要放埋一邊了
細個的時候, 目標是人地定比你的
今日開始, 要為自己家下目標, 然後確實去做
不論你喜歡打波也好、讀書也好
2011就盡最大努力去尋找夢想吧!
2011要過精彩的新生活啊!

中一B下半年的口號是：NO PAIN NO GAIN
加油！

(推上報)中學生公園上禮對晨運婆婆公公

2010年12月29日星期三

亂食必理痛，小心爆肝

12月29日

仲有2日就元旦喇, 大家想必已經非常渴望返學吧
如果唔係的話就是時候黎掃大家興了,
我估有三分一人在假期是做晒功課溫晒習先放假的
其餘個三分二人, 今日馬上就要開工了,
特別是國文個份閱讀報告唔係講玩的,
上年曾有3位同學因為臨時"參考"網路文章而受難了
早日完成的話, 聖誕作業可算是完成一半了.

希望大家順順利利啦

對了, 今個假期有去旅行的同學, 麻煩手信....
(去過路環、黑沙都算 -_- )

2010年12月28日星期二

韓國旅行相

2600蚊一杯咖啡, 點飲呀!!!!!

非常非常非常多的泡菜, 好彩韓國的泡菜比台灣好食1000萬倍

我的導遊, 佢的大名叫"根本英俊", 我估你地係FACEBOOK可以搵到佢

你無睇錯, 水喉附近的是冰......

導遊介紹比"阿豬媽"的飲品, 聽聞飲左5分鐘見效, 而且成晚都會坐係廁所

宵夜, 蟹肉是最正的

不算大, 不過人很多的滑雪場

玩左幾次仲未死得的我

2500的香蕉, 你食得落嗎? 我會以為是過期的

放成隻雞的人蔘雞

自製泡菜, 其實泡菜本身是唔酸, 又唔棘的

戰爭博物館, 想睇飛機大炮的必到, 我影左成百張相

都係宵夜, 手臂咁長的長腳蟹......價錢是115000, 味道是"無得頂", 是新鮮蒸熟的熱蟹

新村梨花女子大學, 導遊介紹去識女仔的, 我........只是去影相而已.....

無得睇圖點餐的結果, 泡菜7盤+泡菜飯...........死未

比你地估個呢個場似有咩用的

無必解釋了, 你將來去明洞相信都會見到

呢種先叫聖誕裝飾吧!

太多了, 放2張就好, 靚到暈

明洞商業區, 女士們必到之地, 男仔可以去幫手"玩"一日, 至於點"玩"到時你就知的了

返黎了

4日韓國之旅, 只能用個凍字去形容, 第一日落機已經是零下17度, 而韓國一年之內, 只有一個月是夏天(即高於26度), 如果搬去住的話, 我甚至懷疑有無買雪櫃的必要(你家的雪櫃絕對唔夠勁), 而且不論外面幾凍, 你去餐廳, 檯面上個杯永遠是冰水黎的......佢地的飲食習慣亦相信無幾個澳門人頂得住, 韓國不離燒烤、火爐、BBQ、涮涮鍋、烤肉、壽喜燒.......如果心水清的都明白, 其實來來去去唔係燒, 就係用水煮, 最重要係加上泡菜6~8盤. 就組合成一餐美味......(最少第一餐美味的)....的韓國菜了, 唔怪得我大學個時一年都唔會去食一次韓式便當了。

今次跟團, 雖然無得周圍走, 好彩仲有得去滑雪, 唔係就變左SHOPPING團了(你估下9成的團友會去買咩). 其實韓國單是首爾就有385個地鐵站, 絕對適合自由行的, 各位如果大個要去韓國玩, 去圖書館借2本旅遊雜誌, 保證你想點玩都無問題......如果唔想去完旅行身無分文的, 千其唔好跟團就是了.....

2010年12月23日星期四

活動相片

執相的時候就發覺, 原來今年影得3張照, 其餘時間都用左黎抽獎, 下年都係叫學生搞好了。不過今次慶祝會, 我覺得最勇是阿蘇同琪, 當然仲有呂SIR啦, 男仔反而比較怕羞, 下次唱歌要見100%功力啊。

聖誕快樂~

今日是23號, 聽日就是平安夜囉, 各位打算如何度過聖誕夜呢?
跟以往唔同的是, 今年我沒有去子夜彌撒, 人亦不在臺灣
反而在南北韓快去打仗、氣溫急降到零下7度的時候走去南韓旅行。
希望聽日你地唔會聽到南韓打仗或者客機被擊落的消息吧!

聖誕總希望過得不平凡, 也希望過得不一樣,
也許有一天, 你們也會過一個同樣精彩、難忘的假期的。

不論如何, 先祝大家聖誕快樂囉~