考試週

上星期的普通話，共有２３人不合格
可以講係歷年黎最多的，所有一Ｂ的老師都嚇左一跳
有人會以為，我不嬲都唔合格架啦，多一科半科無咩所謂
但係，當你地見到個分之後，就可以明白唔合格同絕望係兩回事黎的
比如音樂科，上年個時考試得２０分，你自己計下條數，點拉呀！

如果真係有唔明的，教識你地是老師的責任，
雖然大家習慣用罰留堂呢個詞，不過要記住留緊堂的人唔止你
仲有老師係度～
星期五MISS LAM放學就講到明，有一部分人不如唔好留了
因為浪費大家時間，反而有幾個，留底真係可以有幫助的
就盡量去幫吧。事實上，星期五大家似乎真係進步左。
當然，係呢度亦要讚一讚間尺平同學，
佢為代數負出的努力，是有目共睹的。而且，
佢會主動問要唔要溫數學～

有學生不段問，點解幾次有人偷走，都唔罰佢地？
我的答案係，下星期佢就知死～
不係任何人要罰佢，而係佢測驗個時真係會死
要比較的話，就是心態上輸左比同學了。

今個星期是考試週了，你準備好未？定係等下星期先算呢？
答案將在成績表上出現的了，大家加油！