假如?

假如你有一筆錢，你會打算去邊度旅行呢?

以上係今日在中一F班見到的地理題目，
對於要有幾多錢先可以旅行，或者有幾多錢先夠用
一直都好難整理出一個明確的概念的．
起碼，每個人對於自己心中所求，定會有不同的答案
有的喜歡做背包客，有的要入住五星級大酒店
有的會出發前寫定周詳的計劃，有的鐘意去到先算
不論屬於哪一種人，我們總假定”如果”是有前提的
那就是”錢”
無人知道個天點解會跌一筆錢落黎，而且
個筆錢的數量，仲多到夠買你的”勇氣”才可以出發

做學生個時總覺得自己無咩機會
出黎做野之後，又覺得無時間出去
有時間就唔夠錢，有錢的時候又無時間
睇睇你的家人，就會發現佢地連陪你的時間都未必夠
何況～
要一家大細走出去呢？

流浪的人永遠唔需要理由，逃走的人總有一個藉口
褲袋有10蚊，就已經足夠黑沙看海了
當你擁有更多10蚊的時候～
這個世界就是你的了